Паян кĕçĕн çăварни!     

                                                                                                                                   Пурте килĕр уява

Сивĕ хĕле ăсатма

Çуркуннепе савăнма.

Паян пирĕн уявра

Пĕтĕм халăх хăнара.

Тăвайккинчен ярăнар,

Икерчине тутанар,

Чаплă тавар туянар,

Пĕрле вăйăсем выляр,

Çăварние ăсатар.

Чир-чĕр кайтăр,

Сывлăх пултăр,

Турă патăр тивлетне

Ырлăх патăр, сывлăх патăр.

Пÿлме тулли тырă пултăр,

Карта тулли выльăх пултăр.

Вĕлле тулли хурт кĕрлетĕр.

Сак çи тулли ывăл-хĕр лартăр.